lil SOLID მოწყობილობის მოხმარებასთან დაკავშირებული ხარვეზი გაქვთ?
თუ თქვენ გაქვთ ახალი lil SOLID მოწყობილობა და მოხმარების პროცესში შეფერხებას იგრძნობთ, პირველ რიგში სცადეთ მოწყობილობის “ძილის რეჟიმიდან” გამოყვანა. ამისათვის 2 წამის განმავლობაში დააჭირეთ ღილაკს, ან შეაერთეთ დამტენი მოწყობილობა დენის წყაროში. როდესაც მოწყობილობა გააქტიურდება, მისი ნათურა ორჯერ განათდება წითლად, შემდეგ ნარინჯისფრად, ღია ლურჯად და ბოლოს - ლურჯად.
ლურჯი ნათების გამოჩენის შემდეგ შეამოწმეთ დაიტენილია თუ არა თქვენი მოწყობილობა. ამისათვის, დააჭირეთ ღილაკს ან შეაერთეთ მოწყობილობა დენის წყაროში USB კაბელით ან AC გადამყვანით. ელემენტის დატენვის დონეს ნათების ფერი განსაზღვრავს. ლურჯი ფერი ნიშნავს, რომ მოწყობილობა დატენილია 60%-დან 100%-მდე; ღია ლურჯი ნიშნავს, რომ მოწყობილობა დატენილია 30%-დან 60%-მდე, ნარინჯისფერი - 0%-დან 30%-მდე, ხოლო წითელი ნიშნავს, რომ მოწყობილობა დატენვას საჭიროებს.
LED ნათება ციმციმებს წითლად ან ნარინჯისფრად
თუ თქვენი მოწყობილობის LED ნათება 3 წამის განმავლობაში წითლად ციმციმებს და გრძნობთ 3 ვიბრაციას, ეს ნიშნავს, რომ თქვენი მოწყობილობა ჯდება და დატენვას საჭიროებს.
თუ თქვენი მოწყობილობის LED ნათება 3 წამის განმავლოვაში ნარინჯისფრად ციმციმებს, ეს ნიშნავს, რომ მოწყობილობა 3 თანმიმდევრული მოხმარების შემდეგ “ძილის რეჟიმში” გადავიდა. დიცადეთ 3 წუთი და 30 წამი იმისათვის, რომ მოწყობილობა გაგრილდეს.
თუ თქვენი მოწყობილობის LED ნათება 5-ჯერ წითლად ციმციმებს, ეს ნიშნავს რომ მოწყობილობა გამართულად არ ფუნქციონირებს. მარტივად, გადატვირთეთ თქვენი მოწყობილობა.
1. დააჭირეთ ღილაკს 8 წამის განმავლობაში და არ აიღოთ თითი ღილაკიდან იმ შემთხვევაშიც კი, თუ 2 წამში ვიბრაციას იგრძნობთ.
2. მას შემდეგ რაც მოწყობილობა გადაიტვირთება, მოწყობილობის LED ნათება მიყოლებით ორ-ორჯერ აინთება ჯერ წითლად, შემდეგ ნარინჯისფრად, ღია ლურჯად და ბოლოს - ლურჯად.
3. მას შემდეგ, რაც მოწყობილობა სრულად გადაიტვირთება, LED ნათება 1 წამის განმავლობაში ცისფრად აინთება და თქვენ იგრძნობთ ორ ვიბრაციას.
მოწყობილობა უსიამოვნო სუნს წარმოქმნის?
აეროზოლი სუსტად წარმოიქმნება?
თქვენი lil SOLID არ გამოყოფს აეროზოლს ან გამოყოფილი აეროზოლის რაოდენობა ძალიან მცირეა? ამ პრობლემის გადაჭრა ორი მარტივი გზით არის შესაძლებელი:
1. ნაზად დაატრიალეთ სიგარეტის ღერი ერთი მიმართულებით. შეამოწმეთ, გატეხილი ან გაღუნული ხომ არ არის ის.
2. იმ შემთხვევაში, თუ აეროზოლი კვლავ მცირე რაოდენობით ან საერთოდ არ გამოიყოფა, სცადეთ მოწყობილობის თამბაქოს ნარჩენებისგან გაწმენდა. ამისათვის, გამოიყენეთ საწმენდი ხელსაწყოს ჯაგრისის მხარე. სასურველია, მოწყობილობა ყოველი 20 მოხმარების შემდეგ გაიწმინდოს.
გახსოვდეს, რომ პირველი ნაფაზის შემდეგ საჭიროა მოიცადო 25 წამი, რათა მოწყობილობამ შეძლოს სათანადო ტემპერატურამდე გაახუროს თამბაქოს ღერი
lil მოწყობილობის გასახურებელი ღერძის ან სხვა ფიზიკური დაზიანება
მოწყობილობის უხეშად წმენდის შემთხვევაში, შესაძლებელია დაზიანდეს გასახურებელი ღერძი. სწორედ ამიტომ, აუცილებელია მოწყობილობის ფრთხილი წმენდა. ასევე, დაატრიალეთ თამბაქოს ღერი მხოლოდ ერთი მიმართულებით დაზიანების თავიდან ასაცილებლად.
თუ შენს მოწყობილობას აქვს ხარვეზი, დაგვიკავშირდი. ჩვენ მოვახდენთ შენი მოწყობილობის დიაგნოსტირებას და თუ აკმაყოფილებ გარანტიის პირობებს, გამოგიცვლით მას.
lil SOLID 2.0 – მომხმარებლის სახელმძღვანელო
